ស្ត្រីពោរពេញដោយទេពកោសល្យម្នាក់ ត្រូវបានប្រសិទ្ធនាមថាជា "Pi-kisso" បន្ទាប់ពីបានបង្ហោះរូបភាពបបូរមាត់របស់នាងដែលគូរជាមួយនឹងម៉ូដគួរឲ្យភ្ញាក់ផ្អើលជាច្រើននៅលើវេបសាយប្លុករបស់នាង។
 |
| រូបភាពបបូរមាត់របស់នាង សាន់ដ្រា ហូមបុម |
នាងបានគូរម៉ូដដ៏រស់រវើក និងស្មុគស្មាញយ៉ាងផ្ចិតផ្ចង់នៅលើមាត់របស់នាង មុនពេលថតរូបទាំងនោះ និងបង្ហោះវានៅលើវេបសាយប្លុករបស់នាង ។ ជំនាញគួរឲ្យស្ញប់ស្ញែងរបស់នាងបានធ្វើឲ្យនាងមានការទទួលស្គាល់ទូទាំងពិភពលោក ហើយនាងឥឡូវមានអ្នកចូលទស្សនាប្លុករបស់នាងមកពីជុំវិញសកលលោក។
ម៉ូដបបូរមាត់សាមញ្ញរបស់នាងសាន់ដ្រា អាយុ ២៦ ឆ្នាំ មានដូចជា ផ្លែប៉ោម សត្វគីវី បេះដូង ឈើកុងប្លាកេ និង ផ្លែស្ត្របឺរី ។ ប៉ុន្តែដោយតែងតែរំពៃរកមើលការប្រជែងនាពេលបន្ទាប់នោះ នាងឥឡូវបានបន្តទៅរករូបភាពកាន់តែស្មុគស្មាញច្រើនថែមទៀតដូចជា ទិដ្ឋភាព Northern Lights, ផ្កាកុលាប និងបន្លា, មេអំបៅ និងភ្នែកមនុស្ស ដែលមានរោមភ្នែក និង ប្រស្រីភ្នែកមួយកំប្លេ។
នាងសាន់ដ្រាដ៏ពោរពេញដោយការច្នៃប្រឌិត និងជាជំនួយការថែទាំមួយរូបមកពីទីក្រុង Pitea ក្នុងប្រទេសស៊ុយអែត បាននិយាយថា គំនិតទាំងនេះជាធម្មតាកើតមានក្នុងគំនិតរបស់នាង នៅពេលនាងអង្គុយនៅមុខកញ្ចក់៕
.jpg)
